ライブ空間「てんてん」（２）

12月23日　日曜日　　くもり








第222回てんてんライブ　ぅをてぃー夜　うわいびたん

ライブや　ジョージ・ショウ（上地昇）氏ぬ「音楽ってなんだろう」が

テーマやいびたしが　基礎的理論からぬ解説どぅやたしが

むさっとぅ　わからんでぃしが　わかった一時　やいびたん

音楽でぃーせー　一人一人ぬ　ちぶるにある　音組織が

はたらち　感じるむぬのー　あらんがーでぃち　うむやびーしが

「おんがくでぃーせーぬーやが」でぃち　ちかれーからー　わからんむぬやいびん

じかし　作曲家ｼﾞｮｰｼﾞ･ｼｮｳぬ話　ちちーどぅんせー　あはー　でぃぬ　あいうちやさびんやー



上の　くゎっちー　かくでぃぬ　ユンタク会ぬ　はじまいやいびん

料理時間　約4時間びけーかかとーやびん　くくるくみてぃぬ　くゎっちーやいびんどー






はなしんでぃきてぃ　政治ぬ話　尖閣ぬ問題　音楽ぬはなし　いるいるあてぃ

てんてんだから　ちかでぃーる　くとぅなどぅ　有意義なはなしが・・・。







12月ぬ誕生会　ｼﾞｮｰｼﾞ･ｼｮｳ＆まさひろぬ　ぅんまり月でぃち

てんてんじ　ショコラケーキ準備しちぬ　ハッピーバースデー

すーじさったるぐとぅぬ　ねーらん　ふたい　可愛いぐゎー　やいびんやー

うりからん　からだがんじゅうしち　いちみそーりよー


いくとしゆなてぃん　んなにゆえさりば

　　　しらわらいぐゎしち　てぃりるじゅらさ